ਨਵਾਂਸ਼ਹਿਰ:ਬਹੁਜਨ ਸਮਾਜ ਪਾਰਟੀ ਦੀ ਸੁਪ੍ਰੀਮੋ ਅਤੇ ਉੱਤਰ ਪ੍ਰਦੇਸ਼ ਦੀ ਸਾਬਕਾ ਮੁੱਖ ਮੰਤਰੀ ਮਾਇਆਵਤੀ ਨੇ ਨਵਾਂ ਸ਼ਹਿਰ ਦਾਣਾ ਮੰਡੀ ਵਿੱਚ ਵਿਸ਼ਾਲ ਰੈਲੀ ਨੂੰ ਸੰਬੋਧਿਤ ਕਰਦੇ ਹੋਏ ਕਿਹਾ ਕਿ ਕਾਂਗਰਸ, ਭਾਜਪਾ ਅਤੇ ਆਪ ਸਾਰੇ ਦਲਿਤ ਵਿਰੋਧੀ ਹਨ । ਇਹ ਸਭ ਜਾਤੀਵਾਦੀ ਅਤੇ ਪੂੰਜੀਵਾਦੀਆਂ ਹਨ ਅਤੇ ਇੰਨਾਂ ਨੂੰ ਪੰਜਾਬ ਦੇ ਸ਼ੋਸ਼ਿਤ, ਗਰੀਬ, ਮਜਦੂਰ ਵਰਗ ਨਾਲ ਕੋਈ ਲੈਣਾ ਦੇਣਾ ਨਹੀਂ ਹੈ । ਕਾਂਗਰਸ ਜੋ ਦਲਿਤ ਮੁਖ ਮੰਤਰੀ ਚਿਹਰਾ ਅੱਗੇ ਕਰਕੇ ਆਪਣੀ ਅਸਲੀ ਇੱਛਾ ਲੁੱਕਾ ਰਹੀ ਰਿਹਾ ਹੈ ਹਕੀਕਤ ਵਿੱਚ ਕਾਂਗਰਸ ਦਾ ਮਕਸਦ ਸਿਰਫ ਸੂਬੇ ਦੇ ਸਭ ਤੋਂ ਵੱਡੇ ਵਰਗ ਨੂੰ ਪਿੱਛੇ ਲਾਕੇ ਸੱਤਾ ਹਾਸਲ ਕਰਣਾ ਹੈ । ਅੱਜ ਦੀ ਰੈਲੀ ਵਿੱਚ ਸ਼ਿਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ, ਪੰਜਾਬ , ਹਰਿਆਣਾ ਅਤੇ ਚੰਡੀਗੜ ਦੇ ਇੰਚਾਰਜ ਰਣਧੀਰ ਸਿੰਘ ਬੇਨੀਵਾਲ , ਇੰਚਾਰਜ ਪੰਜਾਬ ਵਿਪੁਲ ਕੁਮਾਰ , ਬਹੁਜਨ ਸਮਾਜ ਪਾਰਟੀ ਦੇ ਪੰਜਾਬ ਪ੍ਰਧਾਨ ਜਸਵੀਰ ਸਿੰਘ ਗੜੀ ਮੌਜੂਦ ਰਹੇ । ਪਹਿਲੀ ਵਾਰ ਬਸਪਾ ਪੰਜਾਬ ਯੂਨਿਟ ਵਲੋਂ ਸੋਨੇ ਦਾ ਹਾਥੀ ਭੇਂਟ ਕੀਤਾ ਗਿਆ ਅਤੇ ਸੁਖਬੀਰ ਬਾਦਲ ਨੂੰ ਤਰਾਜੂ ਭੇਂਟ ਕੀਤਾ ਗਿਆ ।